Kryetarja e Federatës së Mjekëve të Europës, Aurora Dollenberg deklaron se në Gjermani do të nis vaksinimi i popullsisë në janar. Sipas saj, do të përdoret vaksina e prodhuar nga kompania BioNTECH, Pfizer.
Ajo ishte e ftuar në emisionin Report Tv, mbrëmjen e sotme dhe shpjegoi hapat që do të ndiqen për vaksinimin dhe shpërndarjen e saj tek njerëzit. Mjekja deklaroi se vaksinimi do të bëhet në kategori, pra nga personat më të ekspozuar siç janë mjekët e deri tek njerëzit e tjerë.
Dollenberg shprehet se vaksina do të jetë falas dhe jo e detyrueshme dhe do të fillojë nga janari i vitit 2021.
“Ne kemi marrë një lajmërim zyrtar këtu që vaksinimet e para po bëhen në qendrat universitare dhe në radhë të parë tek stafet mjekësore. Janë vaksina anticovid. Atë vaksinë që e kishim thënë që në verë. Në fund të vjeshtës ne e kemi këtë vaksinë. Ne si Gjermani po ecnim më ngadalë por të sigurt në hapat tona. Ne vaksinën e kemi të prodhuar dhe tani po kalojmë në fazën dy të shpërndarjes të kësaj vaksine pasi kjo është një sfidë më vete. Do të bëhet me kategori, në fillim ata që janë më të ekspozuarit ndaj rrezikut dhe këtu është personeli mjekësor. Kategoria numër 2 janë të moshuarit që gjenden në azile. Kategoria numër 3 do jenë institucionet publike ku dhe kontaktet me publikun janë më të shpeshta si policia, zjarrfikëset, restorantet. Kjo gjë do të fillojë nga viti 2021. Nga janari do bëhet ky vaksinim me kategori. Sipas saj, vaksina e kompanisë BioNTECH me Pfizer ka 90 % efikasitet. Për Gjermaninë do të jetë 100 përqind falas dhe nuk do të jetë e detyrueshme” – tha Dollenberg.
/GazetaReforma.com/
