Në këto ditë kur njerëzit po hedhin sytë nga farmacitë për antibiotikë dhe antiviralë, kundër koronavirusit, ka edhe mjekime më të thjeshta që të sigurojnë imunitet.
Të tilla janë edhe vitaminat, të cilat edhe pse mund të duket si barna të pafuqishme ndaj një virusi, në fakt kanë rrolin e tyre të madh në shëndet.
Pas vitaminës “C” edhe ajo “D” ka dalë sërish në qendër të vëmendjes, si një armë për të luftuar koronavirusin e ri, pas një serie studimesh dhe diskutimesh rreth saj.
Sipas “Daily Mail”, qeveria britanike po u kërkon shkencëtarëve të saj që të shqyrtojnë më tej ndikimin e kësaj vitamine te simptomat e koronavirusit.
Provat që kanë dalë janë kaq shpresëdhënëse, sa qeveria po planifikon të dërgojë suplemente të kësaj vitamine nëpër azilet e pleqve dhe në qendra të kujdesit social.
Që në fillimet e pandemisë u përfol se vitamina “D”, e njohur edhe si vitamina e rrezeve të diellit, të mbron nga virusi i ri. Kjo vitaminë ndikon te sistemi imunitar i njerëzve.
Ndërkohë, shkencëtarët kanë nisur një testim për të parë sa ndikon shtimi i sasisë së kësaj vitamine te simptomat.
Vitamina D ndikon edhe te të tjera sëmundje të kësaj stine, por edhe në problemet respiratore.
/Burimi: Daily Mail /GazetaReforma.com/
