Një pacient mësohet se është hedhur vetëm pak minuta më parë nga kati i tretë i Spitalit Infektiv në Tiranë.
Bëhet me dije se pacienti kishte disa ditë i shtruar në spitalin Infektiv. Mësohet se pacienti 69-vjeçar me inicialet R.B. ka goditur kokën në një pjesë betoni pas rënies nga kati i tretë në pjesën e pasme të Spitalit Infektiv.
Pas njoftimit menjëherë policia ka shkuar drejt vendngjarjes. Kujtojmë se ky është rasti i katër i pacientëve me Covid që vetëhidhen nga spitali.
Tre prej viktimave të mëparshme janë vetëhedhur nga Spitali Covid-2 “Shefqet Ndroqi”, ndërsa pacienti 69-vjeçar sapo është vetëhedhur në Spitalin Infektiv i njohur ndryshe si Spitali Covid-1.
Njoftimi i Policisë:
Tiranë/informacion paraprak.
Më datë 10.11.2020, rreth orës 12:30, dyshohet se është vetëhedhur nga lartësia e një spitali shtetasi R.B., 69 vjeç, i cili ndodhet në spital, nën kujdesin e mjekëve.
Grupi hetimor dhe sherbimet e Policisë ndodhen në vendngjarje dhe vijojnë punën për zbardhjen e rrethanave të ngjarjes./GazetaReforma.com/
