Ditën e djeshme në vendin tonë u shënua një rekord i ri i të infektuarve me koronavirus.
Ministria e Shëndetësisë njoftoi se janë kryer 1954 testime, nga të cilët kanë rezultuar pozitivë 489 qytetarë të prekur nga virusi SARS-COV2.
Nga këto 41 raste ishin vetëm në qytetin e Korçës. Sipas “BallkanWeb” mes të infektuarve janë tre mësues dhe një edukatore.
Mësuesit japin mësim në shkolla të ndryshme, dy prej tyre në fshatra dhe një në qytet.Ndërkohë, pjesa tjetër e të infektuarve janë kontakte të infektimeve të fundit dhe vatra të reja.
Që nga fillimi i pandemisë e deri më tani janë infektuar me Covid-19 shumë mësues dhe edukatore nga kopshte dhe shkolla të ndryshme në vend.
