Vetëm ditën e djeshme, kreu i Federatës Shqiptare të Futbollit, Armand Duka, u shpreh se pas një takimi informal me Edi Ramën, kishte marrë premtimin se kërkesat e Ligës së Futbollit do kishin një përgjigje pozitive.
Pas këtij premtimi, Duka u shpreh i hapur për rifillimin e futbollit në Shqipëri. Por, në një njoftim zyrtar ditën e sotme, Liga bën të ditur se ende nuk ka një përgjigje zyrtare nga ana e Qeverisë.
Liga njofton se ditën e hënë do të ketë një mbledhje tjetër në stadiumin ‘Air Albania’, për të vendosur si do jenë hapat e radhës.
/GazetaReforma.com/
