Gjykata e Vlorës ka dhënë vendimin për burg përjetë për Kasem Pirjasin, dhe 35 vite burgim për Hysnie Hoxhallarin.
Dy vitë më parë, ata vranë Olsi dhe Selkie Hoxhallarin, përkatësisht burri dhe vjehrra e Hysnies.
Të dy do e kryejnë dënimin në një burg të sigurisë së lartë. Hetimet zgjatën për 2 vite, dhe prokurori Maksim Dita kërkoi 35 vite dënim për Hysnien dhe dënim të përjetshëm për Kasem Pirjasin.
Gjykata ka caktuar burg përjetë vetëm për Pirjasin, duke zbutur kështu dënimin për Hysnie Hoxhallarin.
Kjo e fundit është shpallur fajtore për veprën penale “Vrasje për shkak të marrëdhënieve familjare e kryer në bashkëpunim ndaj Olsi Hoxhallarit dhe Selkie Hoxhallarit”.
Në seancën e mëparshme të dy avokatët mbrojtës pretenduar pafajësinë e klientëve të tyre.
Gjatë mbrojtjes avokati, pretendoi se e vetmja provë që disponon akuza është dëshmia e Hysnie Hoxhallarit, e cila sipas tij ka sajuar mes tyre një lidhje dashurie të paqenë. Ndërsa theksoi faktin e shkeljes procedurale për mos ezaurimin e seancës paraprake. Avokati ritheksoi faktin se dëshmitë e Pirjasit, janë dhënë prej këtij të fundit më kushtet e dhunës fizike të oficerëve të policisë. Duke kërkuar pafajësinë për klientin e tij në kushtet e pamjaftueshmërisë së provave për dënimin e tij.
Nga ana tjetër mbrojtja e Hysnie Hoxhallarit, kërkoi po pafajësinë për akuzën vrasjes në rrethana familjare, dhe trajtimin e saj të pandehur për fshehje të produkteve të veprës penale dhe moskallëzimit të krimit. Sakaq, kërkoi rishikimin e akuzës pasi vrasja në rrethana familjare nuk mund të merret parasysh për persona pa lidhje gjaku me njëri tjetrin. Zotaj pretendoi se klientja e tij nën presionin e zbulimit të lidhjes jashtë martesore ka kryer veprime që mbrojnë autorin Pirjasi.
Si ndodhi ngjarja
Ngjarja e rëndë u regjistrua në datë 21 janar të vitit 2018, ndërsa nënë e bir, përkatësisht Selkie dhe Olsi Hoxhallari u gjetën të djegur në banesën e tyre në lagjen 24 maji të qytetit të Vlorës.
Ky i fundit kishte vetëm pak ditë pasi ishte kthyer nga Greqia, ku dhe punonte dhe shkonte herë pas here. Fillimisht ngjarja në atë kohë u raportua si aksidentale, pra djegie për shkak të pakujdesisë,por policia mblodhi prova të mjaftueshme, duke arritur ën përfundimin se viktimat ishin qëlluar dhe mbytur e më pas ishin djegur.
Versioni i parë i dhënë nga Hysnie Hoxhallari para policisë ishte se i kishte lënë nën e bir të shikonin televizor në një dhomë të veçuar që ata e përdornin për të qëndruar, madje ishte e para që njoftoi policinë.
Por një sms që kjo e fundit i dërgoi të dashurit të saj pak pas ngjarjes ,vuri në lëvizje policinë që vetëm pak ditë pas ngjarjes së rëndë arrestoi Hysnie Hoxhallarin dhe të dashurin e saj Kasem Pirjasin.
Këta të fundit kishin një lidhje mes tyre, ndërsa ditën e krimit, Pirjasi në atë kohë 26 vjeçar pasi goditi me mjete të forta sëpatë Olsi Hxhallarin dhe mbyti Selkie Hoxhallarin në bashkëpunim me Hysnien i vunë zjarrin dhomës për të humbur gjurmët. Por ishte pikërisht sms dhe dyshimet e policisë që mbanin nën vëzhgim gruan 32 vjeçare, për të zbuluar provat e krimit dhe të vërtetën e ngjarjes duke arrestuar më pas dy autorët e krimit.
Pas ngjarjes rreth dy vjet më parë Hysnie Hoxhallari u shpreh se ishte penduar, ndërsa Pirjasi u shpreh se e kreu aktin e rëndë sepse nuk takonte dot të dashurën e vet. Ngjarja në atë kohë ngjalli edhe reagimin e opinionit publik,ndërsa është tashmë prokuroria që pas mbylljes së hetimeve,rreth dy vjet pas krimit makabër ka kërkuar burg përjetë për dy autorët e kësaj ngjarjeje.
/GazetaReforma.com/
