Presidenti i SHBA Donald Trump dhe bashkëshortja e tij Melania kanë rezultuar pozitivë me Covid-19.
Presidenti i SHBA, Donald Trump, ka bërë me dije se ka rezultuar pozitivë me Covid-19, së bashku me bashkëshorten e tij Melani.
Lajmin e ka dhënë vetë presidenti me anë të një postimi në faqen e tij zyrtare në rrjetin social tëitter.
Në postimin e tij presidenti ka shkruar se pasi i janë nënshtruar testit me tampon, ai dhe Melania kanë dalë pozitivë dhe janë izoluar.
“Sonte, Melania dhe unë dolëm pozitivë për COVID-19. Ne do të fillojmë procesin e karantinës dhe rikuperimit menjëherë. Do ta kalojmë këtë BASHK”, shkruan Trump.
Ndërkohë bëhet me dije se fillimisht ka qenë këshilltarja e lartë e Trump ajo që ka shfaqur fillimisht shenja dhe pasi ka bërë tampon është konfirmuar pozitive për Covid-19. Menjëherë çifti presidencial janë karantinuar dhe kanë bërë tamponin, i cili gjithashtu i ka konfirmuar pozitivë.
“Hope Hicks, e cila ka punuar kaq shumë pa bërë asnjë pushim të vogël, sapo ka dalë pozitive për Covid-19. E tmerrshme! Zonja e Parë dhe unë jemi duke pritur për rezultatet e testit tonë. Ndërkohë, ne do të fillojmë procesin tonë të karantinës “, ka shkruar presidenti Trump teksa priste rezultatet e testit.
