Lufta dhe përleshjet mes Azerbajxhanit dhe Armenisë vijojnë, edhe pas shumë thirrjeve ndërkombëtare për armëpushim. Vetëm dje, Azerbajxhani njoftoi se kishte vrarë më shumë se 550 ushtarë të ushtrisë armene.
Sipas deklaratës së bërë nga Ministria e Mbrojtjes e Azerbajxhanit, gjatë përleshjeve u shkatërruan 22 tanke dhe automjete të tjera të blinduara, 15 sisteme raketash kundërajrore OSA, 18 mjete ajrore pa pilot, 8 topa të artilerisë të ushtrisë armene.
Veç 550 ushtarëve të vrarë, u shkatërruan edhe 3 depo municioni të armenëve. Në përleshjet rreth fshatit Talysh afër zonës Terter, komandanti i batalionit ajror armik, nënkoloneli Lernik Babayan, u vra dhe personeli i njësisë ushtarake nën komandën e tij pësoi humbje të mëdha. Gjithashtu bëhet e ditur se disa lartësi rreth fshatit Talysh u pastruan nga forcat pushtuese.
Ministria publikoi gjithashtu imazhe ajrore të kufomave të ushtarëve armenë. Në deklaratë, u raportua se pozicionet e ushtrisë armene u goditën me raketa dhe artileri dhe forcat armene u tërhoqën.
Nga ana tjetër, Azerbajxhani paralajmëroi ushtrinë armene, e cila vazhdon të qëllojë mbi vendbanimet civile.
/GazetaReforma.com/
