Franca do të ndalojë në mënyrë graduale shfaqjet me kafshë të egra në cirk.
Gjithashtu do të ndalohet edhe futja e balenave të reja vrasëse dhe delfinëve në tre akuariumet e mëdha të vendit, njoftoi sot ministrja e Tranzicionit Ekologjik, Barbara Pompili.
Pompili paraqiti një seri masash mbi “mirëqenien e faunës së egër në robëri” dhe njoftoi gjithashtu se brenda pesë vjetësh do të ndalohet gjuetia e nuselaleve për përdorimin e lëkurës së tyre.
”Epoka jonë ka ndryshuar qëndrim ndaj kafshëve të egra”, theksoi ajo.
“Është koha që sharmi stërgjyshëror që këto qenie të egra ushtrojnë mbi ne të përkthehet në një situatë pozitive”, shtoi Pompili.
