Në cilësinë e presidentit të radhës së OSBE-së, kryeministri Edi Rama ka propozuar emrin e ish-ministrit të Jashtëm, tashmë kritik të tij, Ditmir Bushatin, si Komisioner të Lirisë së Medias në OSBE.
Duke qenë se tashmë zgjedhjet e 25 prillit po afrojnë dhe partitë politike kanë ndezur ‘motorrët’ e fushatës, Rama me një lëvizje po tenton që të spostojë një prej emrave kritik brenda Partisë Socialiste, Ditmir Bushatin, duke e propozuar në një post ndërkombëtar.
Tashmë që kryeministri po tenton kalimin e Paketës Anti-shpifje, pas largimit të Harlem Desir, si Komisioner i Lirisë së Medias, Rama ka propozuar Ditmir Bushatin si zëvendësues të tij në këtë post.
Kujtojmë se ky propozim vjen pikërisht në kohën kur komuniteti ndërkombëtar është sërish në alarm se Rama mund të kalojë paketën antishpifje që cënon lirinë e medias.
Deri më tani sipas raporteve ndërkombëtare, gjatë drejtimit të Ramës, liria e medias në Shqipëri është përkeqësuar.
