Me shumë mundësi, “El Pistolero” Suarez, sezonin e ardhshëm mund të jetë lojtar i Juventusit në Seria A.
Mediat italiane kanë raportuar se kampionët e Italisë kanë hequr dorë nga sulmuesi boshnjak Edvin Dzeko, pasi kanë arritur një marrëveshje me sulmuesin e Barcelonës, njërin prej shokëve më të mirë të skuadrës së Lionel Messit. Sipas të gjitha gjasave, edhe Luis Suarez pritet që të largohet aps 6 vitesh nga Camp Nou.
Sipas “Sportmediaset”, “Zonja e Vjetër” ka arritur një marrëveshje me Suarezin për tre vitet e ardhshme, mbi bazën e 10 milionë eurove në sezon.
Deri më tani i vetmi problem qëndron tek stafi menaxhues i Barcelonës, të cilët nuk duan që të heqin dorë nga sulmuesi uruguajan pa marrë asnjë përfitim nga “El Pistolero”, duke qenë se ky i fundit ka edhe një vit kontratë me katalanasit.
