TIRANË
Presidenti i Republikës Ilir Meta e ka cilësuar një lajm shumë pozitiv arritjen e marrëveshjes për qeverinë në Maqedoninë e Veriut.
Meta, me anë të një postimi në “Facebook” shkruan se “Rritja e përfaqësimit të faktorit shqiptar në qeverisje, përfshirë dhe mundësinë e Kryeministrit shqiptar në të ardhmen, është tregues europianizues dhe vitalizues për forcimin e bashkëjetesës”.
Ndërsa, kreu i shtetit ka një mesazh edhe për klasën politike shqiptare, duke deklaruar se duhet të mësojë nga fqinjët, e duhet të respektojë Marrëveshjen e 5 qershorit.
Postimi i presidentit Ilir Meta:
Finalizimi i marrëveshjes për formimin e Qeverisë së re në Maqedoninë e Veriut është një tjetër hap pozitiv për forcimin e institucioneve demokratike dhe përparimin e reformave.
Rritja e përfaqësimit të faktorit shqiptar në qeverisje, përfshirë dhe mundësinë e Kryeministrit shqiptar në të ardhmen, është tregues europianizues dhe vitalizues për forcimin e bashkëjetesës.
