Dy javët e para të këtij fillim viti kanë qenë padyshim nga më të ftohtat, gjë që nuk ka shkaktuar vetëm dëme materiale, por edhe në njerëz. Deri në tani në 15 ditët e para të këtij janari kanë humbur jetën 8 persona si pasojë e motit shumë të keq dhe temperaturave të ulta.
Nëse do t’i rendisim në kronologji, viktima e parë ka qenë në fshatin Ravonik të Korçës ku një 55- vjear ka ndërruar jetë në datën 5 janar në kohën kur ka qenë duke lëvizur me biçikletë në rrugën e fshatit.
Vetëm 5 ditë më pas, në datën 10 janar një 60-vjeçar humbi jetën si pasojë e të ftohtit në qytetin e Korçës. Ilia Lifo u gjet i pajetë në një ndërtesë të braktisur në zonën e ish-Poligonit të Bonifikimit, të cilën e kishte përshtatur si banesë dhe jetonte i vetëm.
Datë 11 janar një 38-vjeçar është gjetur i pajetë në banesën e tij në qytetin e Pogradecit. Anastas Shuka vuante nga skicofrenia dhe jetonte i vetëm pas vdekjes së dy prindërve të tij, ndërsa në dhomën ku është gjetur i pajetë mungonte ngrohja.
Në qytetin e Shkodrës, 52 vjecari Tonin Loci ka humbur jetën pasi u shemb catia e një pike karburanti. Dyshohet se shkak ka qenë rëndesa e dëborës në cati.
Moti i keq shënoi edhe një tjetër viktimë, këtë herë në fshatin Perlat të Mirditës, ku ka ndërruar jetë një punonjës i OST. Gjovalin Angjelin Lesh Qafa, 58 vjeç, ka humbur jetën teksa po punonte për rregullimin e një defekti në linjën e energjisë. Dyshohet se 58 vjeçari nga Laçi ka pësuar infarkt.
Edhe në kryeqytet është shënuar një viktimë nga të ftohtit. 68 vjecari Hasan Hykja ka ndërruar jetën pranë urgjencës së QSUT.
Mirëpo edhe kjo javë nuk ka nisur pa viktima. Kjo e hënë ka shënuar një viktimë në qytetin e Durrësit, ku viktimës i është dashur të struktet pranë një strehe të improvizuar në lagjen numër 4 të qytetit, ndërsa dyshohet se ka disa ditë që ka ndërruar jetë. Sipas të dhënave të deritanishme, dyshohet se trupi i pajetë i përket një shtetasi nga Vlora, Viktor Dhima, i cili ishte shpallur i zhdukur nga familjarët e tij.
Kjo e hënë ka sjell edhe një tjetër viktimë sërish në qytetin e Korcës për shkak të të ftohtit. Ndërsa ka shkuar të marre ushqime me gomar, 53 vjecari Ajet Zikollari ka humbur jetën. Ngjarja eshte regjistruar ne zonen e Proptishtit. Nuk ka mundur te kthehej ne banese pasi kishte ngrirë në borë.
Situata është alarmante, ndaj edhe banorët bëjnë thirrje për ndihmë sidomos në këto ditë të ftohta. Sipas sinoptikanëve temperaturat do të rriten, mirëpo diferenca nga ato të mëparshmet është ende shumë e ulët.
