Një ngjarje e rëndë kriminale në familje në Kurbin për fat të mirë është parandaluar.
Shtetasi me inciale Xh.J. nga fshati Shullaz i Kurbinit, është arrestuar për dhunë fizike dhe psikologjike ndaj bashkëshortes dhe vajzës së tij.
Gjatë kontrollit të ushtruar në banesën e tij, policia gjeti dhe sekuestroi 1 armë zjarri automatik, dhe 1080 fishekë luftarakë.
Materialet i kaluan Prokurorisë së Kurbinit për veprat penale “Dhunë në familje” dhe “Armëmbajtje pa leje”.
Njoftimi i policisë
Kurbin
Policia parandalon një ngjarje të rëndë kriminale në familje.
Ushtronte dhunë fizike dhe psikologjike ndaj bashkëshortes dhe vajzës së tij dhe mbante armë zjarri pa leje në banesë, ndërhyrja në kohë e Policisë parandalon përshkallëzimin e ngjarjes.
Vihet në pranga autori.
Sekuestrohen 1 armë zjarri kallashnikov dhe municion luftarak.
Specialistët e Seksionit për Hetimin e Krimit në Komisariatin e Policisë Kurbin arrestuan në flagrancë shtetasin Xh. J., banues në fshatin Shullaz, Kurbin.
Ky shtetas ka ushtruar dhunë fizike dhe psikologjike ndaj bashkëshortes dhe vajzës së tij, në banesë. Policia, me marrjen e njoftimit, ka ndërhyrë menjëherë duke parandaluar përshkallëzimin e mëtejshëm të dhunës dhe ka vënë në pranga autorin.
Gjatë kontrollit të ushtuar në banesën e shtetasit Xh. J., Policia gjeti dhe sekuestroi 1 armë zjarri automatik me 3 krehra dhe municion luftarak (1080 fishekë).
Materialet i kaluan Prokurorisë së Rrethit Gjyqësor Kurbin, në ngarkim të shtetasit Xh. J., për veprat penale “Dhuna në familje” dhe “Armëmbajtja pa leje”.
