Ditën e sotme u shënuan 14 raste të reja me COVID-19, duke e çuar numrin në 750.
Rastet e reja u regjistruan; 7 në Tiranë, 5 në Krujë dhe 2 në Shkodër.
Në kryeqytet është shënuar një vatër e re, pasi dy prej të prekurve ndodhen në burgun “302”.
Me rastet e reja të konfirmuara, numri i të burgosurve të prekur nga COVID-19, shkon në 21.
Ndërsa në Krujë njëri prej të infektuarve është punëtor fasonerie dhe konsiderohet si vatër e re.
Kjo fasoneri qëndronte hapur dhe punonte me staf të reduktuar.
Në Shkodër ndërkohë, rastet e reja janë një infermiere e njësisë së Postribës dhe vajza e gruas që rezultoi pozitive ditën e djeshme.
