Pavarësisht karantinës totale, dita e sotme ishte dedikuar për të moshuarit.
Me urdhër të qeverisë deri në orën 11:00, të moshuarit patën mundësinë të dilnin shëtitje, duke qenë se kanë qëndruar mbyllur për një kohë të gjatë, pasi janë kategoria më e rrezikuar nga COVID-19.
Kryeministri Edi Rama ndërkohë ka publikuar në Facebook një urdhër të ri të nxjerrë nga Ministria e Shëndetësisë për ditën e nesërme, për nënat me fëmijë.
Sipas urdhërit, deri në orën 11:00, të gjithë nënat me fëmijë deri në 10 vjeç, mund të dalin shëtitje, por duhet të zbatojnë disa rregulla.
Ato nuk duhet të jenë të shoqëruara nga asnjë person tjetër, gjithashtu fëmijët nuk duhet të kenë kontakt me bashkëmoshatarët e tyre.
Ndërsa të gjithë kategoritë e tjera, do të qëndrojnë në shtëpi, deri të hënën në orën 05:00.
Numri i të prekëve nga COVID-19 në vendin tonë ka shkuar në 548, ku gjatë 24 orëve të fundit u shënuan 9 raste të reja.
Duke parë kurbën e infeksionit, kryeministri ka vendosur që të lehtësojë masat shtrënguese, duke lejuar fillimin e aktivitetit për disa biznese, që nga e hëna.
