Kryeministri i vendit Edi Rama, teksa prezantoi paketën e dytë ekonomike për përballimin e situatës nga koronavirusi, dha një lajm të mirë për të gjithë shqiptarët që kanë mbetur jashtë territorit të Republikës së Shqipërisë.
Rama tha se riatdhesimet do të nisin brenda kësaj jave, por qytetarët duhet të paguajnë vetë për biletën dhe hotelin.
Një ditë më vonë, Rama ka njoftuar sërish në Facebook se në fund të javës do fillojë operacioni i dytë ri riatdhesimit për emigrantët që duan të kthehen në Shqipëri.
Ai ka publikuar një video të ministres së Infrastrukturës, Belin Balluku, e cila ka prezantuar planin.
Qeveria prezanton planin e riatdhesimit: Ja si do bëhet kthimi dhe ku do akomodohen
Më vonë mbrëmjen e djeshme Belinda Balluku, në një lidhje me Skype për “Opinion” ka bërë me dije destinacionet e tjera nga do të riatdhesohen shqiptarët e mbetur jashtë vendit.
Ministrja bëri të ditur se fluturimet do të përcaktohen në bazë të kërkesave të qytetarëve shqiptarë, ndërsa kur të mbërrijnë në Shqipëri do të karantinohen në një hotel dhe qëndrimi sipas saj do kushtojë 25 mijë lekë të vjetra.
Riatdhesimi, ministrja Balluku jep detaje: Ja sa do t’ju kushtojë qëndrimi në hotele
Së fundmi, ministria e Infrastrukturës dhe Energjisë ka publikuar kalendarin e udhëtimeve që do të kryhen këtë javë.
Sipas njoftimit të MIE, në datën 18 do të kryhet udhëtimi Stamboll-Tiranë, më pas Tiranë-Romë dhe Romë-Tiranë.
Ndërsa në datën 19, do të kryhen fluturimet Tiranë-Milano dhe Milano-Tiranë.
E gjithë kjo procedurë mund të bëhet përmes aksesimit të faqes së kompanisë Air Albania, ku duhet të ndjekin procedurat e parashikuara.
Në ditët në vijim, janë parashikuar fluturime riatdhesimi edhe nga Bari, Frankfurit, Parisi dhe Londra.
Shtetasit të cilët dëshirojnë të kthehen, ashtu sikundër është bërë e ditur gjatë këtyre ditëve, duhet që më parë të bëjnë rezervimin e hotelit, të vendosura në dispozicion, ku do të karantinohen për 14 ditë pas mbërritjes në Shqipëri, së bashku me pagesën, dhe më pas të bëjnë rezervimin e biletës.
