Ditën e sotme ka shkuar në 494 numri i të prekurve nga Covid-19 në vendin tonë, pasi në 24 orët e fundit janë shënuar 19 raste të reja, teksa numri i viktimave ka shkuar në 25.
Tirana dhe Shkodra janë dy vendet më të prekura, përkatësisht me 237 dhe 71 të infektuar.
Mirëpo, ndonëse në përditësimin e sotëm nga qyteti veri-perëndimor nuk u raportua asnjë rast i ri, Abc News bën me dije se mbrëmjen e sotme situata është rënduar pasi janë identifikuar 6 të infektuar të rinj.
Mes të infektuarve është një infermiere (murgeshë), një punonjës i burgut të Reçit dhe 4 qytetarë.
Dyshohet se polici është infektuar pasi ka patur kontakt me nënën, motrën dhe të fejuarën të cilat më herët kanë rezultuar pozitive me Covid-19, teksa motra e tij punon në një fasoneri në Shirokë.
Kështu, Shkodra ka thelluar bilanci dhe me këto raste shkon në 77 numri i të prekurve.
