Tregtarët e tregut të fruta-perimeve në Durrës janë përplasur me policinë mëngjesin e sotëm.
Si çdo ditë, ata kanë shkuar për të nisur punën, por i kanë gjetur dyert e tregut të mbyllura.
Tregtarët shprehen se nuk janë lajmëruar më parë për një vendim të tillë.
Mësohet se tregu do të spostohet në tre vende të tjera, ku njëri do të jetë te shkolla e mesme “Leonik Tomeo”.
Aktualisht në tregun e Durrësit ushtrojnë aktivitetin 300 tregtarë të licensuar.
Bilanci i COVID-19 në vendin tonë ndërkohë ka shkuar në 212, mes të cilëve 10 viktima, ndërsa ditën e djeshme u shënuan 15 raste të reja.
Në spitalin Infektiv ndodhet 76 persona, 6 prej të cilëve në terapi intensive, ku 4 prej tyre janë të intubuar.
Hartës së qyteteve të prekura, ditën e djeshme iu shtua edhe Mirdita me një rast.
Ndërkohë lajm i mirë është shërimi i 40 pacientëve, të cilët tashmë do të qëndrojnë për 14 ditë të karantinuar në banesat e tyre.
