Italia po vijon luftën e ashpër me koronavirus, ndërsa tashmë prej tre ditësh ka nisur një trend në zbritje i rritjes së numrit të infeksioneve.
Sipas ekspertëve italianë, shifrat janë reflektim i masave të marra gjatë emergjencës shëndetësore, ndërsa pritet që ulja të vazhdojë edhe në ditët në vijim.
Qeveria italiane ka forcuar më tej masat për parandalimin e përhapjes së koronavirusit.
Për të gjithë ata që shkelin ligjin për emergjencat shëndetësore, parashikohen gjoba nga 400-3000 euro, si dhe 5 vite burg për ata që thyejnë rregullat e karantinës.
Gjoba deri në 3 mijë euro, do të aplikohet tek ata që nuk respektojnë rregullat e reja të kontrollit, ndërsa do t’u hiqet licenca subjekteve tregtare që gjenden në shkelje të ligjit. Me masat e reja shtrënguese, qeveria italiane synon që të frenojë në maksimum daljen e qytetarëve nga shtëpia.
Sipas ligjit, pas përfundimit të ndalimit të qarkullimit, mbylljes së shkollave, bareve, restoranteve dhe parqeve, të vendosen kufizime të reja me një kohëzgjatje 30 ditore, të cilat do përshtaten me ecurinë e koronavirusit.
Aktualisht në Itali numërohen 6820 viktima, ndërsa janë shënuar në total 69.176 raste.
Përtej numrit të madh të viktimave, Italia po përballet edhe me mungesën e mjekëve dhe shtretërve.
Mediat italiane konfirmuan dje, se Gjermania është e gatshme të presë pacientë italianë me COVID-19
