Në Pogradec ka nisur operacioni për nxjerrjen e trupit të peshkatarit tjetër i cili u mbyt dje në rezervuarin e Bradomirës.
Kujtojmë që pasditen e djeshme u mbytën në këtë rezervuar Ramazan Kojtari dhe Arben Pupa.
Dy polumbarë janë zhytur në ujërat e rezervuarit për të nxjerrë trupin e pajetë të 56-vjeçarit Ramazan Kojtari.
Raportohet për ‘balkanweb’ se Kojtari dhe Pupa ishin banorë të zonës dhe administronin këtë rezervuar. Ata dilnin për peshkim pasi hidhnin rasatin e peshkut për shumim.
Dyshohet se shkak mund të jetë mbingarkesa në varkë pasi brenda saj ndodhej një sasi e madhe peshku.
