Policia ka vijuar me zbatimin e masave për parandalimin e përhapjes së koronavirusit.
Si rezultat i monitorimeve janë pezulluar 75 patenta, ndërsa janë sekuestruar edhe mjetet.
Gjithashtu në të gjithë vendin u ndëshkuan me 100 mijë lekë të reja 8 administratorë lokalesh.
Për mosrespektim të vetëkarantinimit janë ndëshkuar me 700 mijë lekë të reja 2 persona.
Njëkosisht janë gjobitur me 10 mijë lekë të reja 234 shtetas, për mosrespektim të orarit të lëvizjes në këmbë.
Njoftimi i policisë
Policia e Shtetit
Strukturat e Policisë së Shtetit, të angazhuara maksimalisht për zbatimin e masave kufizuese të shpallura nga Qeveria shqiptare, për vënien në kontroll të pasojave që sjellin përhapjen e COVID-19.
Gjatë 24 orëve të fundit janë evidentuar 75 drejtues mjetesh që kanë shkelur urdhrin e ndalim qarkullimit, të cilët janë ndëshkuar me heqje të lejes së drejtimit, si dhe janë bllokuar 75 mjete, në zbatim të Aktit Normativ Nr. 3, datë 15.03.2020, ”Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga virusi COVID-19″.
Gjithashtu, gjatë kontrolleve për zbatimin e masave shtesë për mbylljen e lokaleve, në të gjithë vendin u ndëshkuan me masë administrative me nga 100.000 lekë secili, 8 administratorë lokalesh.
Po gjatë 24 orëve të fundit, për mosrespektimin e vetëkarantinimit, janë ndëshkuar 2 shtetas, me masë administrative 700.000 lekë.
Gjatë orareve kufizuese për moslëvizje të këmbësorëve, në të gjithë vendin, gjatë 24 orëve të fundit janë evidentuar dhe ndëshkuar 234 shtetas, me masë administrative 10.000 lekë secili.
Policia e Shtetit apelon edhe njëherë për të gjithë qytetarët që të respektojnë masat kufizuese, me qëllim parandalimin e përhapjes së COVID-19.
Qeveria ka ndërmarrë një sërë masash për parandalimin e përhapjes së COVID-19, duke kufizuar oraret e lëvizjes së makinave dhe këmbësorëve.
Për mbikëqyrjen e masave është ngarkuar ushtria dhe policia, të cilat ndodhen në terren prej ditësh.
Gjatë ditës së djeshme, Rama prezantoi edhe planin ekonomik për të përballuar dëmet e shkaktuara nga koronavirusi.
LAJMI I FUNDIT/ Rama shpall planin financiar për përballimin e COVID-19
