Një 39-vjeçar me iniciale A.H., është arrestuar nga policia e Durrësit për vjedhje.
Ai akuzohet për vjedhjen e 18 sahateve të ujit.
Kanë qenë ankesat e shumta të qytetarëve që vunë në lëvizje policinë.
Gjatë momentit të arrestimit, atij iu gjetën me vete 18 sahatë të vjedhur në lagjet nr.14 dhe 17.
Policia po vijon punën për dokumentimin e rasteve të tjera të vjedhjes nga ky person.
Materialet i kaluan Prokurorisë së Durrësit për veprime të mëtejshme.
Njoftimi i policisë
Durrës
Vidhte sahatët e ujit në lagjet e qytetit të Durrësit, por falë reagimit në kohë të shërbimeve të Policisë, vihet në pranga autori.
Sekuestrohen në cilësinë e provës materiale, 18 sahatë uji.
Specialistët për Hetimin e Krimeve në Komisariatin e Policisë Durrës, në vijim të punës për parandalimin e vjedhjes së pronës, zbardhjen e atyre të ndodhura më parë dhe vënien e autorit përpara përgjegjësisë penale, në bashkëpunim me shërbimet e Policisë së Rendit, arrestuan në flagrancë shtetasin A. H., 39 vjeç, banues në Tiranë.
Shërbimet e Policisë, pas ankesave të marra nga qytetarët për vjedhje të sahatëve të ujit, kanë organizuar punën për identifikimin dhe kapjen e autorit.
Gjatë monitorimit të lagjeve, shërbimet e Policisë kanë bërë të mundur kapjen në flagrancë të autorit të vjedhjeve, të cilit në momentin e kapjes iu gjetën me vete 18 sahatë uji që i kishte vjedhur në lagjen 14 dhe në lagjen 17 të qytetit të Durrësit.
Vijon puna për dokumentimin e vjedhjeve të tjera të dyshuara të kryera nga ky shtetas.
Materialet i kaluan Prokurorisë së Rrethit Gjyqësor Durrës, për veprime të mëtejshme.
