Taksa e vendosur nga qeveria e Kosovës, edhe pse ka shkaktuar reagim të BE-së, vazhdon të mbetet në fuqi. Mirëpo kjo gjë po i shkakton shtetit Serb një humbje të madhe ekonomike.
Slobodan Zeçeviç, profesori i Institutit Evropian të Studimeve thotë se Kosova mund të kushtëzohet nga BE për heqjen e taksës pasi sipas tij, duhet vërtetë bërë vërtetë kjo gjë.
Nga ana tjetër, ministri serb i Tregtisë Rasim Ljajiç thotë se me vendosjen e taksës humbjet mund të rriten.
Sipas tij, nga data 20 nëntor deri më datë 21 dhjetor, Serbia ka humbur 34.6 milionë euro dhe kjo mund të rritet në 40 milionë euro në muaj humbje për shtetin serb.
Gjithashtu ai tha se nga kjo taksë mund të goditen edhe 30 kompani ndërkombëtare të cilat operojnë në Serbi.
“Ky vendim do të ketë një impakt në bizneset tona, por do të bëjmë çmos që t’ia dalim”, ka thëtë LJajiç.
Kujtojmë, se në mbledhjen e djeshme qeveria e Kosovës vendosi që taksa të vendoset edhe për firmat ndërkombëtare që vijnë nga Serbia.
