Ditën e sotme, mjeku Ilir Allkja përmes një videoje në Facebook u shpreh se ka vizituar pa veshjet speciale tre të infektuar dhe rrjedhimisht dyshon se është infektuar edhe vetë.
Ndër të tjera ai thotë se mjekët po dërgohen në raste të dyshimta pa veshjet speciale dhe kjo ka gjasë të çojë në kolaps të Sistemit Shëndetësor nëse nuk merren masa.
Mjeku i QSUT në karantinë, vizitoi 3 të infektuar me Coronavirus pa veshje speciale
Së fundmi, kryeministri Rama ka dalë në një video live në Facebook, ku ka folur rreth kësaj akuze nga mjeku.
Kreu i qeverisë tha se është interesuar për mjekun dhe kishte parë se ai kishte postuar një foto me veshje special.
Kështu, ai e quajti deklaratën e tij një propaganda politike dhe i bëri thirrje të jetë sa më profesionit.
“Sapo dëgjova për dëshminë e mjekut në fjalë. U interesova menjëherë sepse ishte një dëshmi e çuditshme. Ajo që mora ishte fotografia e mjekut në fjalë, e postuar në faqen e tij nga vet ai. me një tekst dinjitoz që flet për sakrificën e vërtetë për të shpëtuar jetën e pacientëve. Me veshje speciale. Nuk ka asnjë mungesë zero për veshje speciale që duhet të trajtojë këto raste. po në të njëjtin informacion mora dhe mjekun në jetën e tij private. Jo të thotë “Rama ik’ Por të hidhet përpjetë dhe të kërkojë që dhe unë të hidhem përpjetë. Nëse mjeku si qytetar ka të drejtat e veta dhe bën detyrën e vet, gjë qe se vë kush në dyshim dhe pse është shkelje etike që t’i shërbejë një propagande të caktuar. Pasi mundet që një parti politike të angazhohet në këtë dezinformim skandaloz. Se besoj se ka të paqarta se pse dhe si mundet. Është hera e dytë në kaq pak kohë me tërmetin dje, para pak muajsh, dhe me këtë emergjencë që ka sfiduar botën. S’ndodhin në asnjë vend të botës.”
Kujtojmë se videoja e Allkajt u shfaq edhe nga Lulzim Basha në konferencën e fundit për shtyp që mbajti para disa orësh.
Ndërkohë, ministrja e Shëndetësisë njoftoi se është rritur numri i të prekurve, duke shkuar në 15 dhe rastet e rinj kanë patur kontakte me ‘pacientin zero’.
Rritet numri i të infektuarve në Shqipëri, dalin rezultatet e analizave të stafit mjekësor
Autoritetet shëndetësore bëjnë thirrje që personat të cilët mund të kenë qenë të ekspozuar ndaj individëve të dyshuar për COVID-19, duhet që të vetëkarantinohen dhe të monitorojnë shëndetin e tyre për 14 ditë, që nga dita e fundit me kontaktin e mundshëm.
Po ashtu, ata duhet të kërkojnë mbikëqyrje të menjëhershme mjekësore, nëse paraqesin ndonjë nga simptomat, veçanërisht temperaturë, simptoma respiratore si kollë dhe vështirësi në frymëmarrje apo diarre menjëherë të kontaktojnë 127.
Të gjithë qytetarët rekomandohet që të shmangin daljet në publik dhe të qëndrojnë në shtëpi duke respektuar rregullat e higjenës.
