Detaje të reja janë zbuluar nga ngjarja e rëndë në Durrës, ku një 50-vjeçar dhunoi gruan dhe më pas tentoi të vetëvritej.
Sipas “Balkanweb”, Artan Hasa ishte konfliktuar verbalisht me gruan E.Hasa dhe më pas e goditi me bisht sëpate pas koke, duke e lënë pa ndjenja.
Ngjarja është regjistruar në lagjen nr.13 në Durrës, në sy të fëmijëve.
Më pas burri ka tentuar të vrasë veten, por është penguar nga fqinjët.
Mësohet se çifti prej kohësh kishte probleme, pasi burri e dhunonte shpesh gruan.
Kjo e fundit kishte kërkuar edhe ndarjen nga ai.
Artan Hasa punonte si shofer, ndërsa gruaja e tij si ndihmës kuzhiniere.
Për momentin gruaja ndodhet në spital jashtë rrezikur për jetën, ndërsa burri është arrestuar nga policia.
