Duket se periudhës ‘së artë’ të mosprekjes nga Coronavirusi i ka ardhur fundi, pasi ka dyshime se rasti i parë mund të jetë shënuar në vendin tonë.
Kjo pasi një 50-vjeçare ka ndërruar jetë në qytetin e Korçës, pas problemeve të shumta që kishte shfaqur me frymëmarrjen.
Identiteti i saj nuk është bërë me dije, por raportohet se viktima vuante nga diabeti dhe ka ndërruar jetë në spital.
Dyshimet janë se ajo mund të jetë prekur nga COVID-19, pasi ka shfaqur probleme të theksuara me frymëmarrjen, ndonëse nuk ka ende një reagim nga spitali.
50-vjeçarja kohët e fundit nuk kishte udhëtuar asnjëherë jashtë vendit, por nuk dihet nëse ka pasur kontakte me persona që vinin nga vende të infektuara.
Trupi i viktimës do i nënshtrohen autopsisë për të zbuluar nëse është virusi shkaku i vdekjes së saj, apo jo.
Kujtojmë se Italia vijon betejën e ashpër me Coronavirusin, ku tashmë janë shënuar 107 viktima dhe rreth 3 mijë të infektuar, ndërsa, në total janë regjistruar 3200 viktima dhe afro 93.129 njerëz janë infektuar.
