Ditën e sotme përgjatë dy orëve është zhvilluar manifestimi i paralajmëruar rreth 2 javë më parë nga presidenti Ilir Meta.
E para që reagoi rreth tij, ishte ambasadorja amerikane Yuri Kim, e cila ka sqaruar se ambasada nuk ka asnjë lidhje me manifestimin dhe se ishte surprizuar që kishte parë flamurin amerikan në revoltë.
Pas saj, erdhi reagimi i parë nga mazhoranca, ku zv.kryeministri Erjon Braçe shpërndau statusin e Kim, duke e cilësuar si shpullën e parë amerikane.
Manifestimi i thirrur nga Meta, vjen reagimi i parë nga qeveria: “Shpulla e parë amerikane”
Së fundmi, ka reaguar edhe kryeministri i vendit Edi Rama.
Në një deklaratë për shtyp Rama foli rreth manifestimit, ku komentoi edhe vendimin e Metës për të shpërndarë Parlamentin, duke thënë ai tha se nuk mund ta bëjë një gjë të tillë.
Nëse Presidenti firmos dekretin për shpërndarjen e Parlamentit çfarë do të ndodhë?
Rama: Presidenti i Republikës nuk mund të firmosë dekrete të tilla, ndërsa Iliri mund të firmosë edhe dekrete për t’i shpallur luftë SHBA-ve. Lajmi i mirë sot është që Shqipëria ka marrë mbështetje të jashtëzakonshme.
Kreu i qeverisë u shpreh që Meta “shpërtheu” pikërisht në momentin kur Shqipëria mori një raport pozitiv nga ana e Brukselit.
Rama nuk i ka kursyer ironitë as për figurat e PD-së që morën pjesë në tubim, duke i cilësuar si figurantë.
“Ka edhe një koincidencë që ju e keni vënë re. Shkojmë në Bruksel dhe marrim mbështetje duke siguruar financimet për rindërtimit dhe duke krijuar një bazë për një hov ekonimik. Po atë ditë presidenti del dhe shpërthen para jush si një minë e programuar pikërisht për të bërë atë gjë dhe atë ditë. Sot në Bruksel del një raport që duhet ta gëzonte, por që ta hidhëronte në pikën që të rishpërthejë para të gjithëve është për të qarë pavarësisht që unë qesh. Shpërndarja e Parlamentit? S’ka asgjë të re. Është e pritur për mua dhe jo befasuese. Presidenti nuk mund ta shpërndajë Parlamentin. Iliri që s’ka asgjë për presidentin mund të firmosë edhe një dekret për t’i shpallur luftë Amerikës. Lajmi i mirë sot është që Shqipëria reale ka marrë një mbështetje të jashtëzakonshme në Kuvend. Lajmi i keq është që PD u kthye në servis figurantësh për presidentin,”- tha në fjalën e tij numri një i maxhorancës.
