Ish-presidenti egjiptian, Hosni Mubarak ndërroi jetë në moshën 91-vjeçare në Kairo.
Mubarak drejtoi vendin për 3 dekada, deri në shpërthimin e revoltave popullore në vitin 2011.
Mubarak u gjet fajtor për vrasjen e protestuesve gjatë revoltave.
Mirëpo kjo akuzë ndaj tij u rrëzua dhe ish-presidenti egjiptian u lirua në mars të 2017-ës.
Vdekja e tij është konfirmuar nga mediat shtetërore egjiptiane.
Hosni Mubarak iu nënshtrua një ndërhyrjeje kirurgjikale në ditët e fundit të janarit.
Djali i tij Alaa, bëri me dije se Mubarak ndodhej në përkujdesje intensive, derisa ndërroi jetë.
