Veprimtaria kriminale në fushën e lëndëve narkotike po shndërrohet çdo ditë e më shumë në një problem serioz në vendin tonë.
Një tjetër operacion i Policisë së Tiranës ka vënë në pranga 4 persona, teksa është shpallur në kërkim 1 tjetër për tregtim të lëndëve narkotike.
Gjatë kontrolleve policia ka sekuestruar tri armë zjarri, lëndë narkotike, 19 aparate celular, 10 ora dore, 600.000 lekë dhe 5000 euro të përfituara nga shitja e lëndëve narkotike.
Shtetasit e kapur në flagrancë janë :
K.S., 30 vjeç, banues në Tiranë, për veprat penale “Përshtatja e lokalit për përdorim droge “dhe ”Moskallëzimi i krimit”.
E. K., 33 vjeç, banues në Tiranë, për veprën penale “Prodhimi dhe shitja e narkotikëve, kryer në bashkëpunim”.
E. K., 28 vjeç, banues në Tiranë, për veprën penale “Prodhimi dhe shitja e narkotikëve, kryer në bashkëpunim”.
R. T., 33 vjeç, banues në Tiranë, për veprën penale “Moskallëzimi i krimit”.
Dhe është shpallur në kërkim shtetasi M. Ç., 28 vjeç, banues në Tiranë, për veprat penale “Armëmbajte pa leje”, “Prodhimi, mbajtja, blerja apo shitja e armëve të ftohta” dhe “Prodhimi dhe shitja e narkotikëve”.
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme hetimore.
