Publikohet fotoja e 19-vjeçarit Robert P. i cili qëlloi me armë zjarri drejt një automjeti në Laprakë ku si pasojë mbeti e vdekur adoleshentja Griselda Gjikola dhe u plagos Erion Bengo, 23 vjeç.
Adoleshentja ishte njohur rreth 1 muaj më parë me Erion Bengon, një 23-vjecar, që dikur kishte qenë në konflikt me ligjin.
Ai kishte shantazhuar të ish-dashurën me video intime, duke i kërkuar para, por kjo nuk i pengoi të dy, të nisnin një marrëdhënie, që përfundoi tragjikisht.
Pasditen e së mërkures, të dy u panë pranë e pranë në një nga lokalet e Laprakës, por sapo dolën prej andej, u përballën me brashërinë e plumbave.
Griselda u qëllua në kokë dhe nuk mundi të mbijetonte, edhe pse Erioni e transferoi me shpejtësi drejt spitalit të Traumës./ balkanweb
