Njësia speciale e “Anti-KÇK”, Operacioni “Forcat e Ligjit” duket se do jetë për shumë gjatë kryefjalë mediatike, por jo vetëm.
Ky ligji ka shkaktuar polemika të shumta dhe ka ngjallur kundërshtime, pasi persona të shumtë e konsiderojnë si një “show” të qeverisë.
Teksa OFL vijon aksionin e saj në të gjithë Shqipërinë, duke goditur persona që sipas kësaj strukture i përkasin botës së krimit, deklaratat e papritura shtohen dita-ditës.
E tillë ka qenë edhe një deklaratë e bërë së fundmi nga gazetari Ferdinand Dervishi, i cili ka thënë në emisionin “360gradë” se deri më tani OFL po godet vetëm bastione të opozitës.
“Është një shfaqje shumë propagandistike. Ka një shmangie të madhe të vëmendjes. Ka një mbulim me një shtresë mjalti të gjithë halleve që kemi pasur deri dje. Jemi akoma larg zonave me zgjedhës me historik të së majtës., të goditjes së kësaj strukture dhe nuk ka asgjë për korrupsionin dhe dosjet që prekin pushtetin. Fillimisht po duket sikur po goditen bastione të opozitës. U duk nga Shkodra.”
Kujtojmë se disa ditë më parë analisti Lorenc Vagjili paralajmëroi se brenda pak ditësh do goditeshin emra shumë të njohur në Tiranë, për të cilët sipas tij do habiteshim.(lexo këtu)
Megjithatë, nuk ka ende asnjë të re, ndërsa sot “Forca e Ligjit” bëri me dije 2 emra të rinj të cilët janë do justifikojnë pasurinë e tyre: Albert Lame dhe Emiljano Hysenaj.(lexo këtu)
Kujtojmë se OFL (Operacioni Forca e Ligjit), është Njësia Speciale që del në terren për të zbatuar në bashkëpunim me SPAK-un, Ligjin Special të sapo miratuar për masat pasurore ndaj personave të dënuar ose akuzuar për krim të organizuar.
