Ditën e sotme pritet që Kuvendi të hedhë poshtë dekretin e presidentit Ilir Meta për paketën “Anti-shpifje”.
Reporteri për Shqipërinë në Grupin e PPE në Parlamentin Europian, David Lega, është shprehur, se procesi është problematik për zhvillimin e demokracisë dhe negociatat e anëtarësismit.
“Jam i shqetësuar për votimin sot në Shqipëri. Është problematike për zhvillimet e demokracisë dhe për negociatat e anëtarësimit në të ardhmen.”, shkruan Lega në Twitter.
Paketa “Anti-shpifje” u kthye në Kuvend për rishikim nga Meta.
Në argumentat e tij, presidenti shprehej se paketa shkel parimet themelore të një shteti demokratik.
Gjithashtu një sërë organizatash ndërkombëtare për lirinë e medias reaguan ashpër ndaj ndryshimeve ligjore të propozuar nga qeveria shqiptare.
Kundër kësaj pakete u zhvillua edhe një protestë përpara parlamentit nga gazetarët.
