Një 60-vjeçar u ndalua nga Policia e Lezhës disa ditë më parë, pasi akuzohet për abuzim seksual.
V.N. dyshohet të ketë kryer marrëdhënie seksuale me një 8-vjeçare me aftësi të kufizuara.
Sot Gjykata e Lezhës ka marrë vendimin dhe e ka lënë në burg 60-vjeçarin.
I moshuari i ka mohuar akuzat.
Në bazë të provave të paraqitura nga prokurori Erjon Shehaj, gjykata e vlerësoi të ligjshëm arrestimin e tij dhe vendosi masën e sigurisë burg pa afat.
Ndaj 60-vjeçarit janë ngritur akuzat “Marrëdhënie seksuale me persona të pazotë për t’u mbrojtur”, “Vepra të turpshme” dhe “Drejtimi i mjetit në gjendje të dehur”.
Abuzimet me vajza që kanë probleme të shëndetit mendor janë ngjarje të përsëritura në Lezhë.
