Një ngjarje e rëndë ndodhi ditën e djeshme në Vlorë.
Në lagjen ‘Bashkimi’ Nikollaq Çepajt dhe Ronald Çepajt iu bë një atentatë me kallashnikov.
Si pasojë ata kanë mbetur të plagosur.
Ronald Çepaj 27 vjeç dhe Nikollaq Çepaj, 36-vjeç, ishin ulur në një kafe, ndërsa siç mësohet paraprakisht, autori i kishte monitoruar duke i ndjekur me kujdes dhe në momentin që ra errësira u afrua përpara lokalit, uli xhamin e makinës dhe lëshoi breshërinë e kallashnikovit drejt tavolinës.
Deri me tani janë shoqëruar dhjetë persona në polici, të dyshuar për atentatin.
Së fundmi është zbuluar edhe lidhja mes dy të plagosurve.
Sipas Dosja.al Nikollaq Çepaj është i martuar me motrën e Ronaldit dhe ka marrë mbiemrin e bashkëshortes së tij.
Mbiemri i tij i parë është Taullaraj.
Më herët Nikollaqi ka qenë në burg, prej nga ku doli vetëm para tre ditësh.
Ai është arrestuar nga Policia më 16 maj 2018, pasi plagosi brenda ambienteve të një lokali 34 vjeçarin e quajtur Eraldo Lezajn.
Momentalisht, Nikollaqi ndodhet në Spitalin e Traumës në gjendje kritike për jetën, pasi është goditur me pesë plumba, njëri prej tyre në kokë.
Ndërsa, Ronaldi është jashtë rrezikut për jetën, pasi është goditur me dy plumba në këmbë.
