Një 30- vjeçar është vënë në prangat e policisë, pasi dhunoi xhaxhanë e tij.
Ngjarja është regjistruar në fshatin Hasan të Fushë-Krujës.
Në ndihmë të tij erdhi edhe i ati, i cili është proceduar në gjendje të lirë.
A.G. 30 vjeç dhe Xh.G. 45 vjeç, qëlluan me sende të forta shtetasin F.G. 45 vjeç.
Shkak për dhunën u bë një konflikt për motive pronësie.
Materialet i kaluan Prokurorisë së Krujës për veprime të mëtejshme.
Njoftimi i policisë
Durrës
Godet xhaxhain me sende të forta, vihet në pranga 30 vjeçari.
Procedohet në gjendje të lirë edhe babai i 30 vjeçari për përfshirje në konflikt të djalit me vëllain e tij , konflikt për motive pronësie.
Specialistët për Hetimin e Krimit në Komisariatin e Policisë Krujë, pas njoftimit të marrë për një konflikt pronësie mes nipit dhe xhaxhait, menjëherë kanë ndërhyrë duke parandaluar përshkallëzimin e mëtejshëm të konfliktit.
Si rezultat i ndërhyrjes në kohë u bë arrestimi në flagrancë i shtetasit A.G.,30 vjeç, banues në fshatin Hasan,Fushë Krujë, dhe u procedua në gjendje të lirë shtetasi Xh.G.,55 vjeç, banues në fshatin Hasan, Fushë Krujë(babai i 30 vjeçarit)
Këta shtetas në bashkëpunim me njëri- tjetrin, në afërsi të banesës së tij, gjatë një konflikti për motive pronësie kanë goditur me mjete të forta shtetasin F.G.,45 vjeç, banues në fshatin Hasan, Fushë Krujë (vëllai i 55 vjeçarit)
Materialet i kaluan Prokurorisë pranë Gjykatës së Shkallës së Parë Krujë për veprën penale “Dhuna në familje”.
