Banorët e Postribës në Shkodër, janë ngritur në protestë , pasi një firmë guroreje, po ndot ujin e pijshëm.
Ata shprehen, se i kanë bërë thirrje të gjithë institucioneve, por kanë rënë në vesh të shurdhër.
Që prej nisjes së punimeve, banorët thonë se po pijnë ujë të ndotur.
“Është prishur jetesa me anë të kësaj guroreje. Të gjithë kërkesat kanë rënë në vesh të shurdhët. I bëjmë thirrje instancave që ne mos të bëhemi viktima. Presim përgjigje ose do të reagojmë vetë, pasi janë në rrezik jetët tona”, shprehen banorët.
Ndërkohë një banor u shpreh se për shkak të punimeve është bllokuar edhe një kanal vaditës, që ujit disa hektarë tokë.
Një banor tjetër, tha se institucionet kanë mohuar se firmat janë duke punuar.
“Lumi Rrasek dhe kanali vaditës janë prishur, peticioni i është dërguar të gjithë institucioneve dhe përgjigja ka qenë se firmat s’janë duke punuar. Mbi 7 shtëpi janë të pabueshme”, deklaroi ai.
