Vrasja e Kastriot Reçit ka shkaktuar bujë në media, por jo vetëm.
Së fundmi, janë zbardhur detaje të reja rreth autorit të vrasjes së biznesmenit.
Sipas Dosja.al, autori ka zbritur nga një fuoristradë tip ‘Benz’ rreth orën 06:30 të mëngjesit ditën e vrasjes së Reçit.
Sipas dosjes së Prokurorisë për këtë ngjarje, një person (mashkull) ka nxjerrë një çantë sportive të gjatë nga bagazhi i mjetit dhe një tjetër nga sedilja e pasme.
Më pas ai është ngjitur deri në katin e fundit të pallatit 9-katësh në Rrëshen për të pasur një fushëpamje të pastër drejt objektivit të tij.
Vrasësi e ka pritur Reçin per gati 5 orë, deri në orën 10:55, në momentin kur ka tërhequr këmbëzën duke i shkaktuar 47-vjeçarit vdekjen e menjëhershme.
Në vendin ku qëndroi ekzekutori është gjetur një një kanotiere, me të cilën ai kishte fshirë armën që më pas e kishte hedhur pas pallatit dhe ujë, cigare bashkë me një pako me kikirikë.
Pasi kreu krimin ai doli me vrap nga pallati i maskuar me paruke e fustan si një grua.
