Detaje të reja janë zbuluar nga vrasja e Kastriot Reçit në Rrëshen.
Autorit ka qëlluar me një predhë të vetme nga një largësi prej 150m në vijë ajrore.
Sipas “Balkanweb”, vrasësi ka qëlluar nga dritarja e banjos së katit të 8-të, në një pallat të shpallur të pabanueshëm, ndërsa kishte shqyer edhe grilën.
Ndërtesa ndodhet rreth 20m larg komisariatit të policisë.
Mësohet se autori ishte maskuar me një paruke femre dhe kishte veshur një fustan, për të humbur gjurmët.
Ai ka lëvizur në një drejtim që të mos i dallohej fytyra.
Mësohet se banesa nga ku ka qëlluar vrasësi, i përket shokut të Armando Gjinit, një prej personave të vrarë gjatë kalvarit të hakmarrjeve mes dy fiseve.
Kastriot Reçi u qëllua me një plumb teksa po hynte në një lokal në Rrëshen.
Plumbi e kapi Reçin në zemër, duke i shkaktuar vdekjen e menjëhershme.
