Pak ditë më parë u ekstradua nga Shqipëria drejt Turqisë, mësuesi Harun Çelik.
Avokati i tij, Alban Bengasi, ka kërkuar që të njihet me procedurën e largimit të Çelik nga Shqipëria.
Ai i ka dërguar kërkesë Drejtorisë së Kufirit dhe Emigracionit, për të ditur, nëse klienti i tij u deportua apo u dëbua.
“Dua të di nëse është deportim apo dëbim. Dua të njihem me procedurën. Nuk jam njoftuar për këtë rast dhe është në shkelje të ligjit”, thuhet ndër të tjera në shkresë.
Më 15 janar ndërkohë pritet që të dalë përpara gjykatës, miku i Çelik, Selami Simsek.
Ky i fundit u arrestua po në të njëjtën ditë me mësuesin, teksa kërkonte të linte aeroportin e Rinasit me pasaportë kanadeze.
Ndaj tij rëndon akuza e “Falsifikimit të dokumenteve” dhe çështja e tij do të gjykohet nga Ahmet Metalia.
Harun Çelik u arrestua në korrik në aeroportin e Rinasit, me pasaportë kanadeze.
Ai vuajti dënimin prej 5 muajsh, në burgun 313 në Tiranë.
Më pas Çelik u deportua drejt Turqisë dhe iu dorëzua policisë në aeroportin turk.
Autoritetet shqiptare pohojnë, se ekstradimi është kryer konform procedurave.
Gjykata në Turqi ndërkohë ka caktuar për mësuesin masën e paraburgimit.
