Ministri i Rindërtimit, Arben Ahmetaj në një dalje publike, ka sqaruar se si do te kryhet procesi i rindërtimit, pas tërmetit të 26 nëntorit.
Ahmetaj bëri me dije, se nga procesi do të përfitojnë edhe ato familje, banesat e të cilave kanë qenë pa leje.
“Rindërtimi, që nga shtëpitë tek pallatet apo qytezat urbane që do të ndërtohen dhe palnfiifkohen në Bashki të ndryshme. Të gjitha do të kenë bazën kushtetuese ku është e domosdoshme të shpronësimit. Aty ku ka ndërtime pa leje, shteti të marrë përsipër që ajo familje të përfitojë nga programi i rindërtimit, kundrejt kushteve të përcaktuara nga VKM. Komisioni i Rindërtimit, kemi bërë dy mbledhje, tani nëpërmjet vendimi detajohet funksioni i tij”, tha Ahmetaj.
Ministri shtoi më tej, se do të bëhet një listë e banesave të pabanueshme dhe atyre të cilat kanë nevojë për ndërhyrje.
Ndërsa për bashkitë Ahmetaj tha se do të kenë afat 30 ditë për të ndërtuar masterplanet për rindërtimin.
Gjithashtu qytetarët do të kenë mundësi të aplikojnë pranë një platforme, e cila do të ngrihet nga kryetarët e bashkive.
Përsa i përket zbatimi të projektit, Ahmetaj sqaroi se do të bëhet nëpërmjet dy mënyrave, me anë të një miniprojekti që përfshin një banesë, si dhe nëpërmjet bashkive që do të aplikojnë rikonstruksion të përqëndruar në një zonë të prekur nga tërmeti.
Ahmetaj theksoi, se ka kaluar edhe vendimi për kompensimin e familjeve të dëmtuara.
Njëkohësisht bashkitë do të kenë 15-20 ditë kohë, për të përcaktuar zonat ku do të ndërtohen qytezat urbane, të referuara nga Rama.
