Një aksident ka ndodhur para pak minutash në aksin që lidh qytetin e Elbasanit me ish-Kombinatin Metalurgjik, në afërsi të kompleksit sportiv.
Një makinë me targa AA293ME ka përplasur një biçikletë.
Drejtuesi i biçikletës ka mbetur i plagosur në gjendje të rëndë, pasi është përplasur në pjesën e përparme të autoveturës dhe ka përfunduar jashtë rruge.
Paraprakisht, thuhet se biçikleta i ka ndërprerë rrugën makinës.
I plagosuri është nisur për në Spitalin e Traumës në Tiranë, pasi gjendja e tij sipas mjekëve për momentin paraqitet kritike.
Ndërkohë policia po punon për sqarimin e rrethanave të këtij aksidenti.
