Një shqiptar ka tentuar të djegë bashkëshorten e tij para disa ditësh në Kalamata te Greqisë.
Pas një debati në çift, 45-vjeçari spërkati gruan me benzinë dhe i vendosi flakën.
Ai mbeti edhe vetë i lënduar nga flakët.
Prokuroria ka vendosur arrest me burg për 45-vjeçarin, i cili ndodhet ende në spital.
Ai ka shprehur pendesë për veprimin e tij dhe ka treguar se e gjitha ka ndodhur për motive xhelozie.
Bashkëshortja, 39-vjeç, ndodhet në spital pasi fqinjët kanë telefonuar menjëherë ambulancën.
Megjithatë ajo është në gjendje kritike për jetën.
