Banorët e një pallati në lagjen Nr.5 në Durrës kanë dalë në protestë para Bashkisë së Durrësit.
Pallati i tyre ndodhet prapa shkollës “Kushtrimi i Lirisë”.
Inspektorët i kanë vendosur shiritin pallatit dhe e kanë shpallur të pabanueshëm.
Banorët nuk kanë kujt t’i drejtohen, pasi pronari ka ndërruar jetë dy muaj më parë.
Në këtë pallat banojnë 60 familje, të cilët nuk e dinë se çdo të ndodhë me apartamentet e tyre.
Kujtojmë këtu se kryeministri Edi Rama ka paralajmëruar të gjithë ndërtuesit, që të riparojnë dëmet.
Kreu i qeverisë është shprehur, se kush i shmanget detyrimeve, do të përballet me pasojat ligjore.
