Dy adoleshentë të moshës 15-vjeçare u gjetën mbrëmjen e djeshme të shtrirë në mes të rrugës në Elbasan.
Policia bën me dije se adoleshentët kishin konsumuar alkool në një lokal dhe më pas kishin kaluar në gjendje shoku.
Duke u kthyer për në shtëpi, ata ishin ndjerë keq dhe ishin rrëzuar në rrugë.
Qytetarët njoftuan ambulancën dhe policinë, ndërsa të miturit u dërguan në spitalin e Elbasanit.
Njëkohësisht, Inspektoriati Shtetëror Shendetësor ka gjobitur lokalin ku konsumuan alkool fëmijët.
Materialet i kaluan Prokurorisë së Elbasanit për veprime të mëtejshme.
