Gjuha e përdorur ditën e sotme në Kuvend ka qenë e patolerueshme, ndaj dhe është mbledhur Byroja e Kuvendit për të marrë masat e nevojshme.
Sot do të merrej vendimi për pezullimin Lulzim Bashës, Sali Berishës dhe Edi Ramës. Byroja ka dalë në konkluzionin se Lulzim Basha dhe Sali Berisha nuk do pezullohen, ndërsa është rrëzuar njëkohesisht edhe kërkesa e PD për pezullimin e kryeministrit Rama.
Megjithatë Vasilika Hysi tha se Bashës dhe Berishës do t’i tërhiqet vëmendja për tensionet dhe gjuhën e përdorur, por nuk do të procedohen më tej. Ndryshe nga çfarë është thënë për Gent Straziminirn dhe Flamur Nokën, të cilët janë përjashtuar me 10 ditë nga seancat e Kuvendit. .
“U diskutua dhe u vendos tërheqja e vëmendjes për Luzlim Bashën dhe për deputetin Sali Berisha, duke pasur parasysh edhe moshën për Berishën. Kërkojmë që Berisha t’i japë fund gjuhës së përçarjes ndaj shqiptarëve në seancat e radhës. Kërkesa për deputetin Edi Rama rezultoi se nuk përmbante gjuhë të urrejtjes apo shkelje të etikës dhe kërkesa është rrezuar. Flamur Noka dhe Gëent Strazimiri janë përjashtur për 10 ditë nga seancat dhe komisionet parlamentare”– tha Vasilika Hysi.
