Seanca e djeshme parlamentare në Shqipëri kur kryeministri Edi Rama goditet me vezë nga deputeti i PD Endri Hasa, është pasqyruar dhe nga Euronews Gjermani.
Media gjermane e përshkruan gjestin e deputetit të PD-së Hasa si solidarizim me studentët demonstrues, por edhe si momente “shoku” për një kryeministër të një shteti europian.
“Kryeministri shqiptar Edi Rama goditet me vezë nga një anëtar i opozitës. Këto janë momentet e shokut. Ndërkohë punonjësit e rendit mundën ta largonin deputetin e Partisë Demokratike Endri Hasa nga foltorja dhe duke e përjashtuar atë nga parlamenti për 10 ditë. U tha se deputetët e opozitës ishin fyer nga fjalët e Ramës.
Ndërsa goditja me vezë, ishte solidarizim me studentët demonstrues”. shkruan “Euronews”.
“Ndërkohë sipas burimeve zyrtare studentët po protestojnë për një reduktim të tarifave të shkollimit që nga fillimi i muajit. Atyre tani u janë bashkuar grupe të tjera të ndryshme qytetarësh, protestat e të cilëve janë të drejtuara në përgjithësi kundër politikës qeveritare aktuale. Demonstruesit denoncojnë, ndër të tjera, varfërinë e shfrenuar dhe çmimet e larta të karburantit.” vihet re në deklaratën e medias gjermane.
