Një ngjarje e rëndë tronditi mëngjesin e sotëm Kavajën.
Në shtëpinë e Marsida Qatjas, u zhvillua një shkëmbim me armë zjarri mes dy personave, ku polici i burgjeve, Bledar Toçi u plagos, ndërsa Dritan Haxholli mbeti i vrarë.
Për shkak të plagës së rëndë, Toçi u dërgua me urgjencë në spitalin e Traumës.
Ndërkohë Prokuroria e Kavajës, ka nisur hetimet për Marsida Qatjan.
Përveç se ishte shkaku i sherrit, ajo akuzohet se ka dhënë dëshmi të rreme.
Gruaja u tha hetuesve, se policin e ka të afërm.
Gjithashtu ka dyshime se Marsida shiste bileta udhëtimesh fiktive te agjencia turistike e së motrës, duke përfituar miliona lekë.
Mediat ndërkohë kanë zbuluar se efektivi i plagosur është i dashuri i saj.
Ky i fundit iu kundërpërgjigj me armë Haxhollit, i cili qëlloi me kallashnikov brenda banesës së Qatjas.
Përsa i përket Marsidës, ajo ishte e martuar dy herë ndërsa kishte edhe tre fëmijë, të cilët ishin në gjumë në momentin kur ndodhi shkëmbimi i zjarrit.
Gjithashtu në banesë ndodheshin edhe dy miq të saj.
Pak përpara krimit, Marsida dhe viktima po darkonin së bashku.
Haxholli i kishte kërkuar të kryenin marrëdhenie seksuale, por e reja e kishte refuzuar.
Qatja ishte e martuar dy herë dhe burri aktual ndodhet në burg në Gjermani
