Prokuroria e Kirmeve të Rënda ka kërkuar ditën e sotme 35 vite burg për Marjana Cmetën, nusen që helmoi vjehrrën me fostoksinë, shkruan “Faxneës”.
Kjo ngjarje daton më 30 prill të 2018-ës në Kamëz.
Të gjithë historinë, 23-vjeçarja ia kishte rrëfyer hoxhës Hysen Shehu.
Cmeta hodhi fostoksinë te lëngu i portokallit dhe i tha vjehrrës që ta pinte, pasi ishte lëng magjik, i cili do të shuante konfliktet ndërmjet tyre.
Në asnjë moment ajo nuk pranoi helmimin, por pohoi se ditën e ngjarjes kishte pasur përleshje fizike me të.
Gjithashtu e reja akuzon të afërmit e burrit të saj, për situatën e krijuar.
Pjesë e provave që disponon prokuroria është edhe një USB, brenda së cilës është një filmim me titull, “Vrasja e magjistarit”, për të cilin e pandehura thotë se e ka futur, ish-bashkëshorti, Oltjani.
Pas dëshmisë së Cmetës, trupa gjykuese me kërkesë të prokurorit, kundërshtoi pjesërisht deklaratën.
Krimi u zbulua me këmbënguljen e Oltit, ish-bashkëshortit të saj. Ky i fundit arriti të siguronte videon 72-minutëshe, ku e reja i rrëfen Hoxhës sesi kishte helmuar vjehrrën, me bindjen se i kishte bërë magji.
