Gjykata e Krimeve të Rënda ka ndërprerë seancën ndaj ish-ministrit të Brendshëm, Saimir Tahirit.
Shkak për këtë janë bërë disa prova që Tahiri citoi gjatë seancës së shkuar, shkruan “Dosja.al”.
Bëhet fjalë për 6 njoftimet që Tahiri i kishte çuar ish-ministres së Mbrojtjes, Mimi Kodheli për radarët.
Organi akuzës kërkon të marrë në dorëzim këto prova, të cilat nuk janë depozituar nga Tahiri.
Ndërkohë ish-ministri ka thënë, se i është referuar këtyre provave për të konfirmuar personalitetin e tij.
Gjithashtu avokati i ish-drejtuesit të Policisë së Vlorës, Jaeld Çelës, ka paraqitur disa prova, ku klienti i tij ka denoncuar Habilajt.
Pritet që seanca të rinisë disa minuta me vonesë.
Ndaj Tahirit rëndojnë tre akuza të cilat janë ‘Trafikimi i narkotikëve’, në bashkëpunim, në formën e grupit të strukturuar kriminal, ‘Grup i strukturuar kriminal’ dhe ‘Kryerja e veprave penale nga organizata kriminale dhe grupi i strukturuar kriminal’.
Ish-ministri e ka quajtur procesin të montuar dhe këkon pafajësinë.
Më tej ai sqaroi se ka dhënë dorëheqjen, për të mos dalë para gjykatës si njeri me pushtet.
Gjatë seancës së sotme, janë të pranishëm edhe përfaqësues të ambasadës amerikane.
